X
تبلیغات
رایتل
1387/02/11

 

 

 

دونیا آذربایجان حاقلاری مودافعه کومیته سی باشقانی نین اورمو وسولدوز سئچکی لری حاقدا موناسیبتی

 

 

آصلان سولدوز سئچگی لرده غالیب گلدی

 

گونئی آذربایجان اویرنجی حرکاتی نین وئردیگی خبره گوره باتی آذربایجانین اورمو و سولدوز شهرینده ملتیمیز غالیب گلیب دیر. بو باشارینی آذربایجان تورک ملتینه تبریک دئیه ره ک آصلان سولدوزوموزون خوردا شهیدلرینین قارشی سیندا اییلیب، روحونوز شاد اولسون دئییره م.

 

قوی یوردوموزا گوز تیکه نلر بو سونوچلاردان نتیجه آلیب، باشیمیزی بوندان آرتیق قاتماسینلار. قوی ساپی اوزوموزده ن اولان بالتالار اوتانسین، قیپجانسین، هوشو وارسا باشینا گلسین، توبه ائتسین و بوندان آرتیق گوناه داغارجیغینی دولدورماسین. آرتیق کئچدی او زامانلار، یئنی دوران باشلایب، آذربایجان میللی حرکاتی نین مرد ایگیدلرینی یزد ده ن ده اویانا سورگون ائتسه لرده، آیاغا قالخمیش بو میلتی آلداتماق، یاتیرتماق و یپراتماق مومکون اولمایاجاقدیر. بوتون هوجوملارین قارشیسندا مردانه دایانیب، بوتون میللی حاقلاریمیزی سونونا قده ر آلماغا قرارلی اولان گنجلیگیمیز ملتیمیزین اوزونو آغارتمیشدیر.

 

امینم کی سیته لریمیز، خبر آزانس لاریمیز، رادیو تی وی لریمیز باتی آذربایجان داکی اوغورلاریمیزی بوتون دونیایا چاتدیریب، تروریزمین یالانچی تبلیغاتی نین و اویدورما خریطه لرینین کوکونو کسه جکدیر.

 

خوردا دیرچلی شینین ایل دونومونه آز بیر زامان قالارکن، تبریز بیلی یوردونداکی [سهند تکنیک بیلیم یوردو] ترپه نیش و میللی فعاللاریمیزین یئنی پلانلارلا دیرنیشی "گله جک بیزیم دیر" شعاری نین یئین موشتولوقچوسودور.

 

بو اوغورلار موناسبتی ایله قهرمان ملتیمیزی، اوزه للیکله فداکار گنجلریمیزی بیر داها تبریک ائدیره م.

 

یاشاسین آذربایجان

 

تانری تورکو قوروسون

 

بؤیوک رسول اوغلو

 

26/04/2008