مقاله

فروردین سال ۱۳۵۸،

سالروز مقاومت بزرگ میهنی مردم سولدوز در مقابل جنایتکاران کومله و دمکرات

بیزیم سولدوز: تاریخ معاصر آذربایجان پر است از صحنه هایی که هم از مظلومیت و هم از دلاوریهای ملت آذربایجان حکایت میکنند. در گوشه – گوشه تاریخ سرزمین استوارمان آذربایجان، متاسفانه حوادث و رخدادهای زیادی هنوز بصورت مکتوب درنیامده اند و بسیاری از منابع تاریخی آذربایجان نیز بجهت آنکه از جانب افرادی مغرض نگارش یافته اند نیاز به بازنویسی دارند. یکی از حوادث مهم تاریخ معاصر آذربایجان، شورش اکراد در سالهای بعد از انقلاب ۱۳۵۷ است که منطقه غرب آذربایجان و مخصوصا قسمتهای جنوبی استان آذربایجان غربی صحنه تاخت و تاز احزاب مسلح و تروریستی و غارتگر دموکرات و کومله کردستان گردید. در این اثنا جنگ یک هفته ایی سولدوز (نقده) که در طی آن مردم غیرتمند و حماسه ساز سولدوز در مقابل تجاوز اکراد جانفشانی کردند و اکراد را با شکستی شرم آور روبرو ساختند از برگهای زرین تاریخ آذربایجان محسوب میشود که شرح آن در ذیل می آید...

اورمو سئچگی لری نین نتیجه لری!

اورمو سئچگی لری نین نتیجه لری!

 بؤیوک رسول اوغلو

آذربایجان تورک میللتی نین اورومو سئچگی لری نین بیرینجی آددیمی نداکی باشاریسینی تبریک ائده رک، ایکینجی تورا حاضیرلانماغین واجیبلیگینی وورقولاماغی میللی بورج ساییرام. اساسا سئچکی لرین کیمین و هاردا بویکوت ائتمه سینده ن ویا قوشولماغا چاغریماسیندان آسیلی اولمویاراق بؤیوک سیاسی کئچمیشه صاحیب اولان میللتیمیز ان دوغرو یولی سئچمیشدیر. باتی آذربایجان- دا یوکسک فعالیت گؤسته ره رک آذربایجان- ین میللی منافئعین قوروماقلا بیرلیکده تبریز- ده دوشوک ایشتیراکی ایله اؤز سوزونو دئمیشدیر. آنجاق بعضی قووه لرین آلداتماجالارینا باخمایاراق " آذربایجان اؤیرنجی حرکاتی نین" سئچکی لرین نتیجه سینه گؤسته ردیگی موناسیبتده وورقولادیغی چوخ اهمیتلی بیر فیکیره توخونماق ایسته ییرم. اونلار یازیرلار" تبریز- ده ایشتیراک لارین آز اولماسینی، آذربایجان میللی حرکاتی نداکی بعضی قوروم و شخصیت لرین تحریمینه باغلاماق دوغرو ده ییل دیر. چونکو باشقا بؤلگه لر او جومله ده ن تهران و اصفهان- دا ایشتیراک نیسبتی 30% آلتیندا اولموشدور و بودا احمدی نژاد- ین آپاردیغی غلط سیاستی نین نتیجه سی دیر. بونودا وورقولاماق گرکیرکی، تبریز- ده کی ایشتیراک تقریبا 27% اولاراق میللتین موناسیبتین پارلاقجا گؤسته رمیشدیر( فیکریمجه سایین صرافی بی- ین حئساب لامالاریندا ساده جه تبریز شهری نظرده آلینمیش دیر و 33% ده یرلندیریلمیشدیر).

گئچن یازیلاریمدا ایشاره ائتدیگیم کیمی گونئی آذربایجان- ین باشقا بؤلگه لرینده سئچگی لره قوشولوب- قوشولماماق سیاستینده خاریج ده کی لرین دخالتین دوزگون گؤرمه دیگیم حالدا باتی آذربایجان، اؤزللیکله اورمو- دا ایشتیراکین میللی منافئعی میزه اویغونلوغونون تیکرار ائتمیشدیم. نتیجه لر ایسه بو سیاستین قیزیل خط اولدوغونو یعنی میللتین ایراده سینین هر شئی ده ن اوستون اولدوغونو آچیقجا گؤسته رمیشدیر.

اورمو سئچگی لرینده بعضی اوزده ن ایراق سیاست چی لرین کوردپرست تبلیغات لارینا و کئشیک چیلر شوراسی نین گئچن سئچکی لرده اوقولادیغی اویون لارین تایینی باشقا بیر بیچیمده سیریماسینا باخمایاراق میللت یومروغونو دویونله میش و تپه لرینه یئندیرمیشدیر. آنجاق آذربایجان میللی حرکاتینا سوخولموش، سولدوز- ا هوجوم پروژه سینده ایرتیجاعی ایدوئولوژیک چیخارلار حسابینا ایشتیراک ائده ن لرین منفی تبلیغاتی ایسترسه ده تهران- ین سئچکی قاباغی اویونلاری تام چیپلاقلیغی ایله روسوای اولموشدور. میللی حرکتین و تورک میللتچی لرینین دوزگون و منطیقی سیاستی اونلارین سیاسی خطالارینی اوزه چیخارمیشدیر. بونو تبریز- ده اؤلچه رک دوزگون تحلیل ائده رسک، آنتی آذربایجان و آنتی تورک جریان لارین، میللی حرکت قارشیسیندا سیناراق، قیریلاراق، قیریخ قالدیغی آچیغا چیخاجاقدیر. بو تحلیل بیر ده اونا گؤره لازیم دیرکی ، اؤزوموزه گوونه رک ، میللتیمیزین گوجونه دایاناراق بوتون مانئع لری آشاجاغیمیزین بیر گؤسته رجه سیدیر.

بو باره ده یوخاریدا آدینی چکدیگیم ایکی جریانین غلط سیاست لرینی آچماق میللتیمیزین گله جگینه اومیدلرین آرتماسینا سببدیر.

1- کئشیکچی لر شوراسی نین اویونو

اورمودا 35 نفر تورک- ون آدایلیغینی تایید ائده رک گئنه تورک لرین سسینی بؤلمه یه چالیشدیر. بونون قارشیسیندا عبدالرحمان نقشی آدیندا حاکیمیت یانداشی تک بیر کورد- ون صلاحیتی نی تایید ائتمه کده ن نئچه هدف گودوردولر.

A

-   تورک لرین آزینلیق دا گؤسته رمک اوچون قارشی طرفین سسی نی بؤلمه ده ن بیرینجی توردا وکیل چیخارماق. چون کی چوخ گؤزل بیلیرلرکی ایکینجی توردا تورک لرین سسی نین بؤلمه مکانیزمی اولمادیغینا گؤره قارشی طرفین سس گتیرمه سینه ایمکان یوخدور.

- میللییتینده ن آسیلی اولمویاراق اؤز طرفدارلاریندان بیرینی مجلیسه گؤنده رمک. B

- سیاسی حساب کیتاب دان دا چوخ باشی چیخمایان موللا حسنی و طرفدارلارینا، موثبت موناسیبتله رینی ثوبوت ائتمک.

بوریا قده ر اورتایا چیخان نتیجه لر گؤسته ریرکی، تهران خطا ائتمیشدیرو اودوزموشدور. بیرینجی هدفده کی خطا سئچکی لرین نتیجه سینده گیزلنمیشدیر. چون کو 248640 سسده ن، اونلارین دستکله دیگی عبدالرحمان ساده جه 57500 سس قازانمیشدیر. بو اؤلچو ده یری حتی ایکینجی شخص اولان جواد جهان گیرزاده- ده ن ده آلچاقدا قالماقلا بیرگه، گئچن سئچکی لره نیسبت تقریبا 20% آز اولسادا بیرینجی سس گتیره ن تورک آصیللی سید سلمان ذاکیری 67000 سس ایله میللت وکیلی اولاراق تقریبا گئچن سئچگی لرده کی عئینی مرحله یه نیسبت 10% آرتیم گؤسته رمیشدیر.

بو بیر طرفده ن ده گؤسته ردیکی، بؤلگه ده یاشانان کورد آصیللی لارین بیر بؤلومو اؤز گله جگینی و منفعت لرینی قوروماق اوچون تئروریست دسته لرین و یا آرا عیرقچی لارین آرخاسینجا گئتمه ده ن ایمتیناع ائده بیله رلر. چونکو قوناق پرور اورمو اهالی سی ایله دوستجا یاشاماق هر ایکی میللتین خئیری و صلاحی دیر.

بوروادا بیر حاشیه چیخاراق، گیزلین آدلارا یازی یازیب " تورک لر گوجلن دیکجه بؤلگه ده کی میللت لر آراسیندا ساواش یئرینه باریش اولاجاغی " فیکرینی آنلامییان و یا آنلاماق ایسته مه ین قیزیل ایرتیجاعی تفککور صاحیب لرینه بیر اویانیش و آنلاییش قامچیسینیندا وورولدوغو آنلاشیلماق دادیر.

ایکینجی هدف لرینه چاتماق اوچون نه اویون لار بئزییه جکلر آیدین ده ییل. آنجاق میللت بیر- بیرینه اومیدوار اولوب گؤزله مه ده ن ایکینجی توردا ایشتیراک ائده رسه عبدالرحمان نقشی- نین وکیل اولما شانسی آزالاجاقدیر. میللت اونا گؤره بیر- بیرینه سالمادان تؤکولوب سس وئره رک اؤز میللت وکیلینی سئچمه لیدیر کی، تئروریست دسته لرین تبلیغات نتیجه سینده عبدالرحمان حاققینداکی فیکری، سوی داشلاری آراسیندا ده ییشدیریله بیلر. بونلارین بؤلگه اهالی سینین 15% فایزینی تشکیل ائتمه سینی رقم لرین بیر داها گؤسته رمه سینه باخمایاراق، ایشتیراک ائده رک کسین اوستونلویون الده ائدیلمه سی اورادا یاشایان میللت لرین هامیسینین خئیرینه اولاجاقدیر.

تهران- ین اوچونجو اویونونون اؤزلرینه قاییدماسی اوچون میللی حرکتچی لرین ایفشاسی بؤیوک تاثیر گؤسته رجکدیر.

بو تحلیل دوغرودان- دوغرویا دخیل اولماسادا تهران- ین، آذربایجان میللی حرکاتی نین قارشی سیندا ال- آیاغا دوشره ک  تبریز سئچکی سیاستینده اؤزونو ایتیرمه سینین بیر فاکتینیندا آچیلماسی گوجلو میللتیمیزین گله جگینین آیدینلیغیندان خبر وئریر. کیمسه یه سیر ده ییل کی، تبریز- ده میللی حرکته باغلی ویا یاخین اولان ویا اؤزله رینده ن اولسادا هئچ اولماسا آذربایجان حقیقت لرینی بیر بالاجا قورویا بیله جک آدایلاریندان بیرینی تایید ائتمیش اولسایدیلار دوروم ده ییشه جکدیر. تجروبه گؤسته رمیشدیرکی، او حالدا تبریز- ده  قاتیلیم 50%- نی آشا بیلردی. آنجاق آذربایجان تورک میللتی نین بؤیوک پتانسیل لرینده ن اؤیله سینه دیسکینمکده دیرلرکی، بعضا اؤز منفعت لرینده تهلوکه یه سالماقداندا چکینمیرلر.

بو چیرکین سیاستین نتیجه سینده یوماق اوچون دوغو آذربایجان- داکی MSK – نین (مجلیس سئچکی کومیسیونو) ایسفند آیینین 26- سیندا وئردییی نتیجه لری آیین 28- نده تکذیب ائده رک یئنی بیر ساختاکارلیغا ایمضا آتماسی قارا اوزلزینی لاپ قارالادی. کیمسه یه سیر ده ییل کی، او اؤلکه ده بو گونه قده ر آپاریلان سئچکی لرده سئچیلمیش لرین سئچیلمه سینده بؤیوک پوزونتولارا یول وئریلمه میشدیر. بو سفر ایسه قاتیل احمدی نژاد- ین غلط سیاست لری نتیجه سینده اؤز آرالارینداکی یارقان اؤیله سینه ده رینلشمیشدیرکی، خاتمی و کروبی- نین اعتیراضی نا باعیث اولموشدور. ماراقلی بوراسیدیرکی، بونلارین تبریز- ده بو بویدا ساختاکارلیغا گؤز یومارکن، تهران- داکی وضعیت لعنت لنمیشدیر. بورادا رحمتلیک شهریار- ین تهران لی لار باشلیغی ایله فارس شوونیزمینه دئدییی شئعر بیر داها خاطیرلرده اویانیر.

2- ایرتیجاعی ایدئولوژی لرین سینگین سیاستی

کورد تئرورچی لارین آچیق- آیدین اراضی ایددعالارینی گؤرمویه جک قده ر بصیرت گؤزلرینین قارشی سینا ایرتیجاعی ایدئولوژی گؤزندیرییی باغلانمیش بو اینسان لارین تبلیغاتی سویون اوزونده کی کفده ن باشقا بیر ماهییت داشیمادی. هله ده کوردیستان باغلاریندا سرمایه دارلیغین علئیهی نه ساواشه حاضیرلانماق یوخوسوندا اولان بو اینسان لارین حقیقتده ن بئیین یاریق لارینین ایچینده نه اولدوغو آیدین ده ییل دیر. بونلارین فیکیرلرینده ن آنلاشیلدیغینا گؤره تورکون قانی نین تؤکولمه سینین اهمییتی اولمادیغی حالدا، اؤزونو و توپراغینی قوروماق اوچون مبادا گونه حاضیرلانماق نتیجه سینده اورتایا چیخاجاق دوروم قان خورلوق اولاجاقدیر.

میللت آچیقجاسینا بو سیاسی سینگی لارین تاکتیکلرینی آنلییاراق، یوخ دئمه یی باجارمیشدیر. ایچلرینده کی دویون لری بوشالداراق ضددی میللی یوللارینی میللتین اؤنونه سردیکلری اوچون خطا ائتدیکلریده آیدین لاشمیشدیر. میللت باشا دوشموشدورکی، اؤز موقددراتی تعیین ائتمک اوچون شاه قولو، روس قولو و ایمام قولویا ائحتیاجی یوخدور. موتشککیل اولوب گوج مرکزینه دؤنوشه رسه  بوتون پیروبلم لرین حللینه ناییل اولاراق غالیب گله جکدیر.

آذربایجان میللی حرکاتی نین بو غالیبییتی نتیجه سینده میللت بونودا باشا دوشموشدورکی، فارس شوونیزمینین موختلیف قوللارینا قوجاق آچان اویدورما کومونیزم ویا بعضی آلداتیجی اؤرتوکلر آلتیندا شاه چیلیق، ایران- دا دئموکراتیک جمهوریت چیلیک ویا میللی مذهبیلیک اونلارین دردینی درمان ائتمه یه جکدیر. اونا گؤره ده " بیز اؤلکه ده کی سئچکی لر ویا تهران- دا کیمی حاکیمییت ده اولماسی ماراقلاندیرمیر. بیز تورک محوری اطرافیندا فیرلانان آذربایجان مرکزلی دوشونجه سیستئمینی سئچمیشیک." دئدیلر. میللی حرکتیمیزی تحریف ائده ن قووه لرین قولاغینین دیبینده ن بیر مؤحکم شاپالاق ووراراق گیجلتدیلر.

خالق شاه قولو، ایمام قولو و روس قولولارین ماهییتینی چوخدان آنلامیشدی. ایندی ایسه "کورد قولولارین مقصدینی اؤیرنمک" سوالینی اورتایا آتدی، گرچی قوللوقچویا  فرق ائتمه دیگینده بیلمیشدیر. میللت، آذربایجان یولونو صمیمیتله چالیشان بوتون فعال لاری، بوتؤو آذربایجانچی سیندان توتموش- ایستیقلالچی سینا، فئدرالچی دان توتموش- میللی موختاریتچی سینه، تورکچوسونده ن توتموش- دیل حاققینی قورویانلار سسلندی. " سیزی پارچالاماق اوچون سیزین ایچینیزه سوخولموش ضددی میللی لره مئیدان وئرمه یین".

Urmu seçgilərinin nəticələri  !

Azərbaycan Türk millətinin Urmu seçgilərinin birinci addımındakı başarısını təbrik edərək ikinci tura hazırlanmağın vacibliyini vurqulamağı milli borc sayıram.

Əsasən seçgiləri kimin və harda boykot etməsindən vəya qoşulmağa çağırmasından asılı olmuyaraq boyuk siyasi geçmişə sahib olan millətimiz ən doğru yolu seçmişdir. Batı Azərbaycanda yüksək fəaliyət göstərərək Azərbaycanın milli mənafein qorumaqla birlikdə Təbrizdə düşük iştiraki ilə öz sözünü demişdir. Ancaq bəzi quvvələrin aldatmacalarına baxmıyaraq “ Azərbaycan öğrənci hərəkatının” seçgilərin nəticəsinə göstərdiyi münasibətdə vurquladığı çox əhəmiyətli bir fikirə toxunmaq istəyirəm. Onlar yazırlar “ Təbrizdə iştirakçıların az olmasını,  Azərbaycan milli hərəkatındakı bəzi qurum və şəxsiyətlərin təhriminə bağlamaq doğru deyildir. Çünkü başqa bölgələr o cümlədən Tehran və İsfahanda da iştirak nisbəti % 30 altında olmuşdur və buda Əhmədi Nəjadın apardığı qələt siyasətin nəticəsidir”. Bunuda vurqulamaq gərəkirki, Təbrizdəki iştirak təqribən % 27 olaraq millətin münasibətin parlaqca göstərmişdir        ( fikrmimcə sayın Sərrafi bəyin hesablamalarında sadəcə Təbriz şəhəri nəzərdə alınmışdır və % 33 dəyərləndirilmişdir).

Geçən yazılarımda da işarə etdiyim kimi Güney Azərbaycanın başqa bölgələrində seçgilərə qoşulub – qoşulmamaq siyasətində xaricdəkilərin dəxalətin düzgün görmədiyim halda batı Azərbaycan, özəlliklə Urmuda iştirakın milli mənafeimizə uygunluğun tikrar etmişdim. Nəticələr isə bu siyasətin qızıl xətt olduğunu, yəni millətin iradəsinin hər şeydən üstün  olduğunu açıqca göstərmişdir.

Urmu seçgilərində bəzi üzdən iraq siyasətçilərin Kürdpərəst təbliqatlarına və keşikçilər şurasının geçən seçgilərdə uyguladığı oyunların tayını başqa bir biçimdə sırımasına baxmıyaraq millət yumuruğunu düyünləmiş və təpələrindən yendirmişdir. Ancaq Azərbaycan milli hərəkatına soxulmuş, Sulduza hücum projəsində irticai ideolojik çıxarlar hesabına iştirak edənlərin mənfi təbliqatı istərsədə Tehranın seçgi qabağı oyunları tam çıplaqlığı ilə rusvay olmuşdur. Milli hərəkətin və Türk millətçilərinin düzgün və məntiqi siyasəti onların siyasi xətalarını üzə çıxarmışdır. Bunu düzgün tərəzidə ölçərək təhlil edərsək, anti Azərbaycan və anti Türk cərəyanların, milli hərəkət qarşısında sınaraq, qırılaraq, kırıx qaldığı açığa çıxacaqdır. Bu təhlil birdə ona görə lazimdir ki, özümüzə güvənərək, millətimizin gücünə dayanaraq bütün maniələri aşacağımızın bir göstərcəsidir.

Bu barədə yuxarıda adını çəkdiyim iki cərəyanın qələt siyasətlərini açmaq millətimizin gələcəyinə umidlərin artmasına səbəbdir.

1-Keşikçilər şurasının oyunu!

Urmuda 35 nəfər Türkün adaylığını təyid edərək genə Türklərin səsini bölməyə çalışdılar. Bunun qarşısında Abdurrəhman Nəqşi adında hakimiyət yandaşı tək bir Kürdün səlahiyətini təyid etməkdən neçə hədəf güdürdülər.

A-    Türkləri azınlıqda göstərmək üçün qarşı tərəfin səsni bölmədən birinci turda vəkil çıxarmaq. Çünki çox gözəl bilirlərki ikinci turda Türklərin səsini bölmə mexanizmi olmadığına görə qarşı tərəfin səs gətirməsinə imkan yoxdur.

B-    Milliyətindən asılı olmuyaraq öz tərəfdarlarından birini məclisə göndərmək.

C-    Siyasi hesab- kitabdan çoxda başı çıxmıyan molla Həsəni və tərəfdarlarına, müsbət münasibətlərini sübut etmək.

Buraya qədər ortaya çıxan nəticələr göstərirki, Tehran xəta etmişdir və uduzmuşdur. Birinci hədəfdəki xəta seçgilərin nəticəsində gizlənmişdir. Çünkü 248640 səsdən, onların dəstəklədiyi Abdurrəhman sadəcə 57500 səs qazanmışdır. Bu ölçü dəyəri hətta ikinci şəxs olan Cavad Cahangirzadədən də alçaqda qalmaqla birgə, geçən seçgilərə nisbət təqribən 20% az olsada birinci səs gətirən Türk əsilli seyid Səlman Zakiri 67000 səs ilə millət vəkili olaraq təqribən geçən seçgilərdəki eyni mərhələyə nisbətlə 10% artım göstərmişdir.

Bu bir tərəfdəndə göstərirki, bölgədə yaşıyan Kürd əsillilərin bir bölümü, öz gələcəklərini və mənafeilərini qorumaq üçün  terorist dəstələrin vəya Arya ırqçılarının arxasınca getməkdən imtina edəbilərlər. Çünki qonaqpərvər Urmu əhalisi ilə dostca yaşamaq hər iki millətin xeyir və səlahınadır.

Burada bir haşiyə çıxaraq, gizlin adlarla yazı yazib” Türklər gücləndikcə bölgədəki millətlər arasında savaş yerinə barış olacağı “ fikrini anlamıyan və ya anlamaq istəmiyən qızıl irticai təfəkkür sahiblərinə bir oyanış və anlayış qamçısınında vurulduğu anlaşılmaqdadır.

      İkinci hədəflərinə çatmaq üçün nə oyunlar bəziyəcəkləri aydın deyil. Ancaq millət bir – birine umidvar olub gözləmədən ikinci turda iştirak edərsə Abdurrəhman Nəqşinin vəkil olma şansı azalacaqdır. Millət ona görə bir-birinə salmadan tökülüb səs verərək öz millət vəkilini seçməlidir ki, terorist dəstələrin təbliqatı nəticəsində Abdurrehman haqqindaki fikir, soydaşları arasında deyişdirilə bilər.  Bunların bölgə əhalisinin % 15 faizini təşkil etməsini rəqəmlərin bir daha göstərməsinə baxmıyaraq, iştirak edərək kəsin üstünlüyün əldə edilməsi orada yaşıyan millətlərin hamısının xeyrinə olacaqdır.

Tehranın üçüncü oyununun özlərinə qayıdması üçün milli hərəkətçilərin ifşası böyük təsir göstərəcəkdir.

Bu təhlilə doğrudan – doğruya dəxli olmasada Tehranın, Azərbaycan milli hərəkatının qarşısında əl – ayağa düşərək Təbriz seçgi siyasətində özünü itirməsinin bir faktınında açılması güclü millətimizin gələcəyinin aydınlığından xəbər verir. Kimsəyə sır deyilki, Təbrizdə milli herekete bağlı vəya yaxın olan vəya özlərindən olsada heç olmasa Azərbaycan həqiqətlərini bir balaca qoruyabiləcək adaylardan birini təyid etmiş olsaydılar durum deyişəcəkdi. Təcrübə göstərmişdirki, o halda Təbrizdə qatılma nisbəti % 50- ni aşabilərdi. Ancaq Azərbaycan Türk millətinin böyük potansiyelindən öyləsinə diskinməkdədirlərki, bəzən öz mənafeilərində təhlükəyə salmaqdanda çəkinmirlər.

Bu çirkin siyasətin nəticəsini yumaq üçün doğu Azərbaycandaki MSK-in ( məclis seçgi komisyonu) isfənd ayının 26- da verdiyi nəticələri ayın 28-də təkzib edərək yeni bir saxtakarlığa imza atması qara üzlərini lap qaraladı. Kimsəyə sır deyil ki, o ölkədə bugünə qədər aparılan seçgilərdə seçilmişlərin seçilməsində böyük pozuntulara yol verilməmişdi. Bu səfər isə qatil Əhmədi Nəjadın qələt siyasətləri nəticəsində, öz aralarındakı yarqan öyləsinə derinləşmişdir ki, Xatəmi və Kərrubinində etirazına səbəb olmuşdur. Maraqlı burasıdır ki, bunlar Təbrizdə bu boyda saxtakarlığa göz yumarkən, Tehrandakı vəziyəti lənətləmişlər. Burada rəhmətlik Şəhriyarın Tehranlılar başlığı ilə Fars şovinizminə dediyi şeir bir daha xatirələrdə oyanır.

2- İrticai ideologilərin sıngın siyasəti

Kürd terorçularının açıq - aydın ərazi iddealarını görmüyəcək qədər bəsirət gözlərinin qarşısına  irticai ideologi gözəndiriyi bağlanmış bu insanların təbliqatı suyun üzündəki kəfdən başqa bir mahiyət daşımadı. Hələdə Kürdüstan dağlarında sərmayədarlığın əleyhinə savaşa hazırlanmaq yuxusunda olan bu insanların həqiqətən beyin yarıqlarının içində nə olduğu aydın deyildir. Bunların fikirlərindən anlaşıldığına görə Türkün qanının tökülməsinin əhəmiyəti olmadığı halda, özünü və toprağını qorumaq üçün məbada günə hazırlanmaq nəticəsində ortaya çıxacaq durum qanxorluq olacaqdır.

Millət açıqcasına bu siyasi sıngınların taktiklərini anlıyaraq, yox deməyi bacarmışdır. İçlərindəki düyünləri boşaldaraq ziddi milli yollarını millətin önünə sərdikləri üçün xəta etdikləridə aydınlaşmışdır. Millət başa düşmüşdürki, öz müqəddəratını təyin etmək üçün Şahqulu, Rusqulu və imamquluna ehtiyaci yoxdur. Mütəşəkkil olub güc mərkəzinə dönüşərsə bütün problərin həllinə nail olaraq qalib gələcəkdir.

Azərbaycan milli hərəkatının bu qalibiyətı nəticəsində millət bunuda başa düşmüşdür ki, Fars şovinizminin müxtəlif qollarına qucaq açan uydurma kominizm vəya bəzi aldatıcı örtüklər altında Şahçılıq, İranda demokratik cumhuriyətçilik vəya milli məzhəbilik onların dərdini dərman etmiyəcəkdir. Ona görədə “ bizi, ölkədəki seçgilər vəya Tehranda kimin hakimiyətdə olması maraqlandırmır. Biz Türk mehvəri ətrafında firlanan Azərbaycan Mərkəzli düşüncə sistəmini seçmişik” dedilər. Milli hərəkatımızı təhrif edən quvvələrin qulağının dibindən bir möhkəm şapalaq vuraraq gicəltdilər.

Xalq Şahqulu, Rusqulu və İmamquluların mahiyətini çoxdan anlamışdı. İndi isə “Kürdquluların məqsədini öğrənmək ” sualını ortaya atdı, gərçi qulluqçuya fərq etmədiyinidə bilmişdir. Millət, Azərbaycan yolunda səmimiyətlə çalışan bütün fəallara, bütöv Azərbaycançısından tutmuş - istiqlalçısına, federalçısından tutmuş – milli müxtaritətçisinə, Türkçüsündən tutmuş – dil haqqını qoruyanlara səsləndi ”sizi parçalamq üçün içinizə soxulmuş ziddi millilərə meydan  verməyin”.

Böyük Rəsuloğlu  :                22.03. 2008

یئنی دور مجلیس سئچگیلری حاقیندا سیاستیمیز نه‌دیر؟

یئنی دور مجلیس سئچگیلری حاقیندا سیاستیمیز نه‌دیر؟

"بابک "

آذربایجان توپلومو چوخ مرکب بیر توپلومدور، عینی حالدا حاکیمیتین بیزه تحمیل ائتدیگی شراییط ده، بؤلگه‌دن بؤلگه یه آز-چوخ دَییشه بیلیر. اونا اویغون اولاراق دا سئچگیلر حاقیندا سیاستیمیز مرکب اولمالیدیر.

سئچگیلرده‌کی سیاستیمیزی تعیین ائتمک اوچون، ایلک اؤنجه آذربایجاندا سئچگی منطقه‌لرینی تانیملامالییق. منجه اؤز حال-هواسینا گؤره اوچ اساس بؤلگه‌نی تانیملاماق اولار و هر بؤلومده تبلیغات و اوی وئرمه‌ گونلرینده اصلینده واحید بیر سیاستی،- آنجاق ظاهیرده فرقلی تاکتیکلرله - صحنه‌یه چیخا بیلریک.

سئچگی بؤلگه‌لریمیز بونلاردان عیبارت اولمالیدیر:

۱-غربی آذربایجان

۲- تبریز

۳- سایر بؤلگه‌لر

غربی آذربایجاندا و عموما باشقا میلیتلرله رقابتده اولدوغوموز بؤلگه‌لرده (مثلا آستارا-انزلی بولگه‌سی و....) "وطن نامینه" جیدی حالدا سئچگیلره قاتیلمالییق.

غربی آذربایجاندا سئچگیلرین تشویق اولونماسی اصلینده رژیمین "آذربایجانی کوردیزه ائتمه" سیاستینه قارشی دوروب، اونو پوچا چیخارتماق کیمی قیمتلندیریله بیلر.

تبلیغات گونلرینده:

خالق ایچینه گئدیب، اؤلکه‌ده اتنیک دنگه‌نین پوزولما خطرینی وورغولایاراق، هامینی جیدی حالدا سئچگیلره تشویق ائده‌جگیک، بو بؤلگه‌لرده آذربایجان میلی حرکتی‌نین ایستکلرینی گوجلندیررک، بیزه یاخین آدایلاردان حیمایه ائتمه‌لییک.

اوی وئرمه گونونده:

بیزه یاخین آدایلارین ایچینده سئچیلمه شانسی چوخ اولان آدایا اوی وئرمه‌لی. آنجاق بیزه یاخین اولسا دا، آما سئچیلمه شانسی آز ایسه، اونو بوراخیب بیزه آز یاخین اولوب، آما سئچیلمه شانسی چوخ اولان باشقاسینا اوی وئرمه‌لییک. بو بؤلگه‌لرده هامی قطیعا سئچگیلره قاتیلمالی و اونو جیدی حالدا تشویق ائتمه‌لی و نهایت اؤز رایینی تورک آدایلارا وئرمه‌لیدیر.

سایر بؤلگه‌لرده سئچگیلره قاتیلماغین اصل آماجی میلی حرکتیمیزین بیر داها دیله-دیشه سالماقدیر. بوراداکی داورانیشیمیز شرایطینه گؤره دَییشه بیلر.

تبلیغات گونلرینده:

خالق ایچینه و سئچگی سیتادلارینا گئدیب، آذربایجان میلتی‌نین بوتون ایستکلرینی (آذربایجان اوچون آنا دیلی، دموکراسی، اقتصادی و اجتماعی توسعه و...) مطرح ائتمک، آدایلاردان کیم کی ایسلام دئییل، آذربایجانین باش اوجالیغی اوچون چالیشیرسا اوندان حیمایه ائتمه‌لییک.

اوی وئرمه گونونده:

اگر بیزیم ایستکلریمیزین معین قیسمینیه بویون اولانلار واردیرسا و اونلارین ایچینده سئچیلمه شانسی چوخ اولان دا وارسا ، همین شخصه رای سالمالییق.

ایستکلریمیزه بویون اولان یوخدورسا، یاخود وارسادا سئچیلمه شانسی اولمازسا، اوندا قطیعا کیمسه‌یه رای سالمامالییق.

تبریزده منجه آزادلیق، دموکراسی و اینسان حاقلارینا آیغیری اولان استصوابی نظارته و رژیمین ان یوکسک مرتبه‌سینده اَیلشن نگهبان شوراسینا، تبریزده یوخ دئمگه گوجوموز چاتار.

"دموکراسی نامینه" قطعیا تحریم سیاستینی ایرلی آپارمالییق. قوی حاکیمیتین مشروعیتسیزلیگینی بیر داها تبریزده وورغولایاق.

تبلیغات گونلرینده:

خالق ایچینه و سئچگی سیتادلارینا گئدیب، بحثه کئچمه‌لییک. بوتون درگیلریمیزی، درنکلریمیزی تعطیل‌لیگه چکدیگی اوچون. بیزی تمثیل ائدن هئچ بیر سیاسی حیزب و یا قروپا مجوز وئرمه‌دیگی اوچون، آذربایجانین میلی حاقلارینی ازدیگی اوچون و اونو مدافعه‌ائدنلری آغیر باسیقیلارا معروض قویدوغو اوچون...بیز راییمیزی دموکراسی نامینه شوونیست حاکیمیتین دار سوزگئچیندن کئچمیش، بو آدایلاردان اسیرگیه‌جگیک، دئمه‌لییک.

اوی وئرمه گونونده:

صاندیق باشینا گئدنلرین یولو اوسته دایانیب، اونلارا " لوطفا رای سالمایین" دئییب، بو ایشدن چکیندیرمگه چالیشامالییق.

بوتون بونلار دئدیگیم کیمی ظاهیرده فرقلی اولسا دا اصلینده واحید بیر سیاستدیر. او دا آذربایجانی هرطرفلی مدافیعه ائتمک سیاستی، آذربایجان میلتی‌نین تورپاغینی، دیلینی و آزادلیغینی قورویاراق، بوتون بؤلگه‌لرده شوونیست حاکیم رژیمین سیاستلرینه قارشی چیخماق دئمکدیر..

سئچگیلر حاقدا سیاستیمیزی ان ییغجام بیر جمله‌ده (یاخود دا کپسولیک) دئسم بودور:

حاشیه‌دن مرکزه گلینجه، تشویقدن، تحریمه کئچمه‌لی

بابک

۱۳۸۶-جی ایل ۲۹بهمن

قایناق:www.millishura.com

اورمو-دا سئچگیلر و کوردلر - بؤیوک رسولوغلو

اورمو-دا سئچگیلر و کوردلر

بؤیوک رسولوغلو

 آذربایجان میللی هرکاتی بؤیوک-کیچیک بوتون ایمکانلاردان یارارلاناراق بوتون ساهه لرده ایره لیله مگی باجارمالیدیر. بیز موتشککیل اولماغا جان آتارکن، حرکتیمیزی گوجلندیره رک اؤزوموزون مودافیعه سیستمینی یاراتماقلا هوجوم پلانینی حاضیرلاماقدا بوتون فورصتلری دوزگون دیرلندیرمه لیگیک.

باتی آذربایجان، اؤزللیکله اورمو و سولدوزدا سئچگیلرده ایشتیراک ائدیب، تورک اصیللی بیر نومایندنین سئچیلمه سینده کی فایدالاری گئچن یازیلاریمدا درینلیگینه آراشدیردیغیم اوچون آرتیق واختینیزی آلماق ایستمیرم، قیساجا ایشاره ائتمکله یئته نیرم.

سئچگیلرده ایشتیراک ائده رک تورکلرین قازانماسی ایله!

۱- کورد دسته لری نین یالانچی ایدعالاری نین اوستو آچیلاجاق. بو یالانچی تبلیغاتا اینانانلار ایستر اؤز میلتیمیزدن ایسترسه ده باشقالاری گرچکلری گؤروب اونا گؤره فیکیر یوروده جکلر.

۲- بئینالخالق هوقوق عالمینده اؤزللیکله گله جکده ماسا باشینداکی موزاکیره لرده میلتیمیزین ایستیفاده سی اوچون سندلره بیریده ائکلنه جک.

۳- او بؤلگه ده یاشییان میلتیمیزین روح یوکسکلیگینه سبب اولاراق کورد شووینیستلری نین پلانلی شکیلده اورمو و اطرافینا تبلیقاتچی گؤندره رک میلتیمیزی قورخودوب قاچیرتماغا چالشدیغی سییاستی چورویه جک.

۴- میللی حرکتچیلریمیزین بو آغیر و پولیسی اورتامدا بیر آرایا گلمه لری اوچون موناسیب اورتام یاراداجاق.

۵- میللی هرکاتیمیزی مودافیعه ائدن ویا اونا نیسبی یاخین اولان اورگانلاری و یوکسک سوییه لی شخصییتلری داهادا اورکلندیره جک.

۶- بیرلیکده موقاویمت فیکری نین گوجونو آرتیراجاق.

۷- ترافدا یاشییان و کورد دسته لری نین تبلیقاتینا ایناناراق بؤیوک بیر فاجیعه یه دوغرو سوروکلنن بعضی صمیمی کوردلره اویانیش قامچیسی ووراجاق.

۸- یالانچی تبلیقاتلا بؤلگه ده میلتلر آراسیندا کین و نیفرت یارادان دوشونجه نین تاثیرینی آزالداجاق.

۹- یاخینلاشان فاجیعه نین قارشیسیندا بیر مانیه تؤرده رک اینسانلارین قانی نین تؤکولمه سی نین اؤنلنمه سینده رول اوینویاجاق.

۱۰- و …

بو بؤلگه ده سئچگیلرده ایشتیراکا چاغیرماغین، آذربایجانی پارچالامق معناسینا گلمه دیگینی، تام ترسینه تاریخی تورپاقلاریمیزا گؤز تیکنلرین پارچالاما چابالاری نین قارشیسینی آلماق اوچون درین معنالی و اؤلچولو بیر سییاست اولدوغونو وورقولاماقدا فایدا گؤرورم. عومومییتله گونئی آذربایجانین بوتون بؤلگه لرینده بو سئچگیلرده ایشتیراک ائدیب- ائتمه مه باره ده عزیز دوستوم در. سمد بی نیکنام و سایین ماشاللاه بی رزمی نین فیکیرلرینیه بؤیوک اؤلچوده قاتیلماقلا بیرلیکده آزبیلتوپ -اون سون بیانییه سینه دیقت چکیرم. چونکی، گونئیده کی فاللاریمیزین ذهنییتدن اوزاق، گرچکلره دایاناراق و عئینی حالدا بیر تک یول سئچه رک قرار وئریب تبلیقات آپارمالارینی داها اویگون گؤردویومو بیلدیرمیشدیم.

داخیلده اؤن سنگرده ساواشان میللی موباریزلریمیز، بوتون بونلاری نظرده آلاراق باتی آذربایجاندا اؤزللیکله اورمودا بوتون گوجلرینی سفربر ائده رک مومکون قدر موتشککیل اولاراق سئچگیلرده ایشتیراک ائتمه لیدیرلر. آتالار دئمیشکن ” دوه دن بیر قیل دا چکسن قنیمتدیر ” بو دورومدان ایستیفاده ائدیب، اینزیوادان چیخاراق تهرروک ائتمک، میللی تفککورلولریمیزین آدایلیغینا ایجازه وئرمزلرسه کی وئرمییه جکلر، بیزه یاخین اولنلارا یاردیم ائتمک، تورک میلت وکیللرینی مجلیسه گؤندرمک میللی هرکاتیمیزین و گله جگیمیز اوچون ان دوشونجه لی سییاستدیر.بای بک

خاریجده اوتوروب، تورک سؤزوندن دیسکیننلر، اؤزو قاییرما رهبرلیک یوخوسو گؤره رک بونا – اونا داش آتماق اوچون نظرییه وئرنلرین بولاشیق سؤزلری، سیزلری چکیندیرممه لیدیر، قوللاریزی داها دا یوخاری چیرمالاماغا شیرنیکدیرمه لیدیر.

اورمودا کورد مسئله سینه گلدیکده ایسه، اورمودان، ایسمایل آغا سیمیتقونون جینایتلریندن، بیرینجی - ایکینجی دونیا موحاریبه لرینده کی کورد تالانلاری و سویقیریملارینیندان معلوماتی اولمویانلارین، ایسلام اینقیلابیندا اورمو دا باشوئرنلردن خبرسیز اولانلار ویا او زامانکی ایرتیجای تفککورله کورد دسته لری ایله بیرلیکده سولدوزا هوجوم ائدنلرین غئیری علمی و بزنده غرضلی تهلیللری بیر داها بو مثله یه قاییتماغی بوینوما یوکله دی. بو تهلیللرین بعضیلری اینسان سئورلیک دونو ایله بزنمیشسه ده، میلتیمیزه روا گؤروله جک ان بؤیوک غئیری اینسانی هوجوملاری یا گؤرمور یادا گؤرمه مزلیکدن گلیر.

بوگونکو دورومدا باتی آذربایجانداکی وضعییتی تهلیل اوچون درین معلومات، تاریخ بیلگیسی، میللی تفککور، بؤلگه و دونیا سییاستینی اولدوغو کیمی آنلاماغین واجیبلیگی اینکار ائدیلمزدیر. بیزیم، کورد ویا باشقا میللئتلرله دوشمنچیلیگیمیزین اولمادیغنی، آنجاق تورپاق و میلتیمیزه هوجوملار قارشیسیندا اؤزوموزو مودافیعه ائتمک مجبورییتینده قالدیغیمیزی بیلنلر یاخشی بیلیرلرکی، اونلارین بیزیمله پروبله می وار، تورپاغیمیزدا گؤزو وار.

هر هانسی بیر چوروموش ایدئولوگییه صاحیب اولانلار، شخصی موناسیبتلری میللی منافعیدن اوستون توتانلار، علمی و بیلگی یئتنگی اولمویانلارین، اورموداکی دورومو تهلیلده آپاردیقلاری غئیری سیاسی وئ غئیری میللی فیکیر ویا تهریفلر میلتیمیز طرفیندن باغیشلانمازدیر. شوبهه یوخدور کی، تاریخیمیزی دوزگون ترزیده اؤلچمه قابیلییتینده اولمویانلار، ماننا دؤولتی نین ماهییتینی بیلمیینلر و اونا صاحیب چیخماق ایسته ینلری تانیمییانلار، تاریخی سلاجیقه نی اوخومویانلار، عوثمانلی تاریخینی ورقلمیینلر، اوستاد مهممد تمددون- ائلی دئهقان – کاوه بایات- اورمو خانی مهممد قولی خان افشار – موتمدولووزرانین خاطیره لری و اونلارجا بئله اثرلری اوخومویانلاردان دوزگون آنالیز گؤزله مک اولماز. آنجاق ملون کسروی نین ” آذربایجانین ۲۰ ایللیک تاریخینی ” چوخلاری نین اوخودوغونا دا شوبهه ائدیلمز. او حادیثه لری دیرلندیریرکن باخیش آچیسینی کسروی زاوییه سینه توشلویانلار ویا میللی مفکوره یئرینه هله ده طبقاتی تهلیللرله یاناشانلار، دایاز سودا بوغولان اوشاق کیمی ایمکلییه رک میلتی قالانمیش تونقالا ساری الی یالین سوروکله مکده دیرلر. بیر زامانلار روسقولو، شاهقولو ویا ایمامقولولوقلا مشقول اولانلارین اورکدن میلتین قوینونا سیغینمییانلاری اؤزلرینی بؤیوک سییاستچی سایسالار دا هله ده او آنتی تورکلرین آلیشدیردیغی تهلیل مئتود اؤلچولرینده اؤزلرینی آلداتماقدادیرلار.بای بک

بیزلرین خطاسی میلتیمیزین بوگونو و گله جگینه بؤیوک تهلوکه لر تؤرده جگینه شوبهه ائدیله مز. عوثمانلی ایمپیراتورلوغونون، گونئی آندولو و دییار بکیری، آذربایجانلی آققویونلو تورکلریندن بوشالداراق یئرینه باشقا میلتلری یئرلشدیرمه سی نین سببی نه اولورسا – اولسون بوگون اؤز تؤرمه لری خوسران و عذابینی چکمکده دیر. رحمتلیک سئیید جفر پیشوری نین سویوق بولاق خطاسی نین یانیندا زنجانی ایتیرمه سی و یا آذربایجانین تاریخی تورپاقلاری ( قزوین – همدان- سونگور- ساوه - اراک…) ایددئاسیزلیغی نتیجه سینده بؤیوک گوجه دؤنوشمه مه سی بیزی بوگونه گتیریب چیخارمیشدیر. آنا دیلی اوستونده دیرلی جاوانلاریمیز زیندانلاردا، ائشیکده کی لر ایسه اولمازین تهقیرلره معروض قالماقدادیر. باشقاسینا یوخ، آنجاق میلتیمیزه گوونمه لی، میلتیمیزی آیاغا قالدیرمالی، گوجلو و اَییلمیین بیر قول اولاراق باشقا میلتلرله دیپلوماتیک علاقه لر یاراتمالی و موزاکیره ماساسی آرخاسیندا اوتورمالیییق.

اورمو ایله باغلی سون گونلر رادیو- تئلئویزیونلاردا موصاحیبه لری، قروپ و سیته لرده یازیلاری، پالتالک اوتاقلاریندا موزاکیره لری و سایره هر کس گؤروب و موختلیف گؤروشلری ائشیتمکده دیر. بو تهلیللرین بیر بؤلومونون میللی هرکاتیمیزا اویگون بیر بؤلومونون ایسه تهلوکه لی اولدوغو آشیکاردیر. تسسوفله بو تهلوکه لی دیرلندیرمه لرین بعضیسی صمیمییتینه و دئموکراتیک دوشونجه سینه ایناندیغیمیز چوره لردن گلدیگینه گؤره تهلوکه ایکی قات آرتیر. چونکی بو تهلیللره میلتین بیر بؤلومو ایناناراق موقاویمت و دیره نیش تفککورو یئرینه سؤزده سییاست، عملده تسلیمچیلیک پرئنسیپینی گودور. بو هاقدا ایکی مثله یه توخوناراق سؤزلریمه سون وئریرم.

۱- تأسوفله و اوتاناراق دئمه لییمکی گوجلو بیر تشکیلاتیمیزین اولمادیغینا گؤره بوگون سیستئماتیک موقاویمت ایمکانیمیز یوخدور. باتی آذربایجاندا هر آن گؤزله نیلمز بیر حادیثه نین باش وئربیله جگی ایسه بیزی گؤزله مز. خالقیمیزین تاریخ بویو اولدوغو کیمی بو گونده اؤزونو قوروماق اوچون سیلاهینی یاستیغی نین آلتینا قویماسی اونون گوون قایناغیدیر.

بونو باشقا یئره یورانلار خطا ایچینده دیرلر.

۲- بوتون ساواش و موباریزه لرین سونو موزاکیره ایله بیتدیگینه شوبهه یوخدور. آنجاق کورد دسته لری نین باتی آذربایجان حاقینداکی ایددئالاری، خریته لری، تبلیقات و تهریکاتی کسیلمه دیکجه آذربایجانین هر هانسی بیر شخص – قوروم و قورولوشونون اونلارلا موزاکیره یه گیرمه سی اویدورما سییاستدیر. قیلینجینی قینیندا گیزلده رک اوزانان دوستلوق الی گؤرونموین دوشمن قدر تهلوکه لی، آلداتیجی و یالانچیدیر. اؤزوموزو سییاستچی سایاراق بو اویونلارا گلمگیمیز ده باغیشلانمازدیر. بیز آنجاق بوتون کورد دسته لری نین تبلیقات ماشی نین بو موتجاویز چاغیریشلارینا سون قویمالاری ایله اونلارلا بیر ماسا باشیندا اوتورماغی دوشونمه لیگیک.

۲۰۰۸/۰۲/۱۲