افشای یک خبر محرمانه از سولدوز:
آنچه که در ذیل می آید نتیجه بیش از یکماه تلاشهای بی ادعای هسته امنیتی ((کمیته مردمی دفاع از غرب آذربایجان)) در شهر همیشه سرافراز سولدوز است که پرده از یک خبر ناگفته و یک حادثه ناخوشایند و یا در جای خود خوشایند بر می دارد. یکماه پیش طبق اطلاعات واصله به هسته شهری سولدوز مبنی بر اعمال محدودیتهای شدید و نیز بازداشت چند افسر رده میانی اما حفاظتی سپاه پاسداران در سولدوز هسته امنیتی کمیته کار تحقیق و گردآوری اطلاعات را در این زمینه شروع نمود. در جریان بررسیها علاوه بر شناسایی 4 تن از افسران سپاهی فوق الشرح به مساله بسیار مهمتر برخورد کردیم و آن در مورد سرهنگ سپاه ((ناصر ولیان)) بود که بنا به اعلام رسمی سپاه، تابستان امسال با گرفتار شدن در تله انفجاری که توسط گروهک کردی-تروریستی ((پژاک)) تدارک دیده شده بود، کشته شده است. ((ناصر ولیان)) از نیروهای حفاظتی سپاه نقده که اکنون می توان او را از خائنین به ملت آذربایجان دانست، از حدود 8 ماه قبل از مرگش از طرف نیروهای نفوذی گروهک کردی-تروریستی پژاک جذب می شود و وظیفه او تامین اطلاعات لازمه این گروهک تروریستی تعریف می شود. ناصر ولیان با توجه به موقعیت شغلی خود در سپاه، اطلاعات لازمه جهت انجام کمینها و تله های انفجاری در مسیرهای سولدوز (نقده) به خانا (پیرانشهر) و خانا(پیرانشهر) به ساری داش(سردشت) را برای تروریستها تهیه می کند، در مقابل گروهک کردی-تروریستی پژاک نیز از بابت کشته شدن هر افسر و نیروی سپاهی 15 میلیون تومان به خائن ناصر ولیان پرداخت می نمود. اطلاعات کافی و دقیقی از تعداد نیروهایی که طبق این فروش اطلاعات جان خود را از دست داده اند مشخص نیست اما با توجه به سیر صعودی و یکباره اموال منقول و غیرمنقول این خائن سرسپرده احتمالا تعداد قربانیان بیش از 10 تن باشد.
پس از 7 ماه همکاری بیشرمانه با تروریستها و تقریبا چند روز قبل از مرگ این خائن، حفاظت اطلاعات سپاه به نامبرده مشکوک می شود و تحقیقات مخفی را در این خصوص شروع میکند، اما با توجه به نفوذ ناصر ولیان در سپاه، وی از برنامه سازمان مطبوعه اش خبردار می شود و جهت اظهار ندامت و اشک تمساح ریختن مساله را با نیروهای امنیتی سپاه مطرح می سازد و کذب بودن شایعات را عنوان میکند، از سوی دیگر گروهک کردی-تروریستی پژاک نیز از قضیه باخبر می شود، در نتیجه ناصر ولیان تابستان امسال در طی گرفتار شدن در همان تله های انفجاری که خود، دوستان و همشهریان تورکش را به بهای 15 میلیون تومان به کشتن میداد خود نیز در همان تله ها گرفتار شده کشته می شود. هرچند که نئش و قبر این خائن در بین قبور شهدای سولدوز قرار گرفته است اما با توجه به دستگیری 4 افسر سپاهی در سولدوز که اکنون تحت بازجویی هستند و گاها در بازداشت بسر میبرند، خانوداه ناصر ولیان نیز از جریان خیانت او آگاهی یافته است و بنا بر اطلاعات کسب شده از چندین هفته قبل، از رفتن بر قبر این خائن خودداری می کنند. شایان ذکر است این خبر و خبر خیانت ناصر ولیان که اکنون نیز حتی بسیاری از نیروهای سپاهی از آن مطلع نیستند برای اولین بار با تلاشهای تحسین برانگیز ((هسته امنیتی شاخه سولدوز کمیته مردمی دفاع از غرب آذربایجان)) منتشر می گردد. لذا بدلیل مسائل امنیتی اسامی و مشخصات 4 افسر فوق الذکر را تا رسیدن به نتیجه نهایی و تایید خبر همدستی آنها با ناصر ولیان و گروهک کردی-تروریستی پژاک منتشر نمی گردد.
هرچند که در بین نیروهای سپاهی و کلا نیروهای نظامی و مسلح که تحت فرمان تهران و به عبارت بهتر تحت لوای شووینیسم فارس هستند اما افراد علاقمند و دلسوز به آذربایجان و حرکت ملی آذربایجان کم نیستند و آنان نیز بعنوان بخشی از ملت رنج کشیده و آسیمیله شده آذربایجان در راستای سعادت سرزمین مادری تلاش میکنند، هر چند که با عنایت به روند حوادث و جریانات معلوم است که تعداد خیانتکاران نیز اندک نیست و این خیانتکاران در درجه اول منافع ملی آذربایجان را به خطر می اندازند و در جبهه دشمن بر علیه ملت آذربایجان در جنگند.
یئنی دور مجلیس سئچگیلری حاقیندا سیاستیمیز نه‌دیر؟
"
آذربایجان توپلومو چوخ مرکب بیر توپلومدور، عینی حالدا حاکیمیتین بیزه تحمیل ائتدیگی شراییط ده، بؤلگه‌دن بؤلگه یه آز-چوخ دَییشه بیلیر. اونا اویغون اولاراق دا سئچگیلر حاقیندا سیاستیمیز مرکب اولمالیدیر.
سئچگیلرده‌کی سیاستیمیزی تعیین ائتمک اوچون، ایلک اؤنجه آذربایجاندا سئچگی منطقه‌لرینی تانیملامالییق. منجه اؤز حال-هواسینا گؤره اوچ اساس بؤلگه‌نی تانیملاماق اولار و هر بؤلومده تبلیغات و اوی وئرمه گونلرینده اصلینده واحید بیر سیاستی،- آنجاق ظاهیرده فرقلی تاکتیکلرله - صحنه‌یه چیخا بیلریک.
سئچگی بؤلگه‌لریمیز بونلاردان عیبارت اولمالیدیر:
۱-غربی آذربایجان
۲- تبریز
۳- سایر بؤلگه‌لر
غربی آذربایجاندا و عموما باشقا میلیتلرله رقابتده اولدوغوموز بؤلگه‌لرده (مثلا آستارا-انزلی بولگه‌سی و....) "وطن نامینه" جیدی حالدا سئچگیلره قاتیلمالییق.
غربی آذربایجاندا سئچگیلرین تشویق اولونماسی اصلینده رژیمین "آذربایجانی کوردیزه ائتمه" سیاستینه قارشی دوروب، اونو پوچا چیخارتماق کیمی قیمتلندیریله بیلر.
تبلیغات گونلرینده:
خالق ایچینه گئدیب، اؤلکه‌ده اتنیک دنگه‌نین پوزولما خطرینی وورغولایاراق، هامینی جیدی حالدا سئچگیلره تشویق ائده‌جگیک، بو بؤلگه‌لرده آذربایجان میلی حرکتی‌نین ایستکلرینی گوجلندیررک، بیزه یاخین آدایلاردان حیمایه ائتمه‌لییک.
اوی وئرمه گونونده:
بیزه یاخین آدایلارین ایچینده سئچیلمه شانسی چوخ اولان آدایا اوی وئرمه‌لی. آنجاق بیزه یاخین اولسا دا، آما سئچیلمه شانسی آز ایسه، اونو بوراخیب بیزه آز یاخین اولوب، آما سئچیلمه شانسی چوخ اولان باشقاسینا اوی وئرمه‌لییک. بو بؤلگه‌لرده هامی قطیعا سئچگیلره قاتیلمالی و اونو جیدی حالدا تشویق ائتمه‌لی و نهایت اؤز رایینی تورک آدایلارا وئرمه‌لیدیر.
سایر بؤلگه‌لرده سئچگیلره قاتیلماغین اصل آماجی میلی حرکتیمیزین بیر داها دیله-دیشه سالماقدیر. بوراداکی داورانیشیمیز شرایطینه گؤره دَییشه بیلر.
تبلیغات گونلرینده:
خالق ایچینه و سئچگی سیتادلارینا گئدیب، آذربایجان میلتی‌نین بوتون ایستکلرینی (آذربایجان اوچون آنا دیلی، دموکراسی، اقتصادی و اجتماعی توسعه و...) مطرح ائتمک، آدایلاردان کیم کی ایسلام دئییل، آذربایجانین باش اوجالیغی اوچون چالیشیرسا اوندان حیمایه ائتمه‌لییک.
اوی وئرمه گونونده:
اگر بیزیم ایستکلریمیزین معین قیسمینیه بویون اولانلار واردیرسا و اونلارین ایچینده سئچیلمه شانسی چوخ اولان دا وارسا ، همین شخصه رای سالمالییق.
ایستکلریمیزه بویون اولان یوخدورسا، یاخود وارسادا سئچیلمه شانسی اولمازسا، اوندا قطیعا کیمسه‌یه رای سالمامالییق.
تبریزده منجه آزادلیق، دموکراسی و اینسان حاقلارینا آیغیری اولان استصوابی نظارته و رژیمین ان یوکسک مرتبه‌سینده اَیلشن نگهبان شوراسینا، تبریزده یوخ دئمگه گوجوموز چاتار.
"دموکراسی نامینه" قطعیا تحریم سیاستینی ایرلی آپارمالییق. قوی حاکیمیتین مشروعیتسیزلیگینی بیر داها تبریزده وورغولایاق.
تبلیغات گونلرینده:
خالق ایچینه و سئچگی سیتادلارینا گئدیب، بحثه کئچمه‌لییک. بوتون درگیلریمیزی، درنکلریمیزی تعطیل‌لیگه چکدیگی اوچون. بیزی تمثیل ائدن هئچ بیر سیاسی حیزب و یا قروپا مجوز وئرمه‌دیگی اوچون، آذربایجانین میلی حاقلارینی ازدیگی اوچون و اونو مدافعه‌ائدنلری آغیر باسیقیلارا معروض قویدوغو اوچون...بیز راییمیزی دموکراسی نامینه شوونیست حاکیمیتین دار سوزگئچیندن کئچمیش، بو آدایلاردان اسیرگیه‌جگیک، دئمه‌لییک.
اوی وئرمه گونونده:
صاندیق باشینا گئدنلرین یولو اوسته دایانیب، اونلارا " لوطفا رای سالمایین" دئییب، بو ایشدن چکیندیرمگه چالیشامالییق.
بوتون بونلار دئدیگیم کیمی ظاهیرده فرقلی اولسا دا اصلینده واحید بیر سیاستدیر. او دا آذربایجانی هرطرفلی مدافیعه ائتمک سیاستی، آذربایجان میلتی‌نین تورپاغینی، دیلینی و آزادلیغینی قورویاراق، بوتون بؤلگه‌لرده شوونیست حاکیم رژیمین سیاستلرینه قارشی چیخماق دئمکدیر..
سئچگیلر حاقدا سیاستیمیزی ان ییغجام بیر جمله‌ده (یاخود دا کپسولیک) دئسم بودور:
حاشیه‌دن مرکزه گلینجه، تشویقدن، تحریمه کئچمه‌لی
بابک
۱۳۸۶-جی ایل ۲۹بهمن
قایناق:www.millishura.com
اورمو-دا سئچگیلر و کوردلر
بؤیوک رسولوغلو
آذربایجان میللی هرکاتی بؤیوک-کیچیک بوتون ایمکانلاردان یارارلاناراق بوتون ساهه لرده ایره لیله مگی باجارمالیدیر. بیز موتشککیل اولماغا جان آتارکن، حرکتیمیزی گوجلندیره رک اؤزوموزون مودافیعه سیستمینی یاراتماقلا هوجوم پلانینی حاضیرلاماقدا بوتون فورصتلری دوزگون دیرلندیرمه لیگیک.
باتی آذربایجان، اؤزللیکله اورمو و سولدوزدا سئچگیلرده ایشتیراک ائدیب، تورک اصیللی بیر نومایندنین سئچیلمه سینده کی فایدالاری گئچن یازیلاریمدا درینلیگینه آراشدیردیغیم اوچون آرتیق واختینیزی آلماق ایستمیرم، قیساجا ایشاره ائتمکله یئته نیرم.
سئچگیلرده ایشتیراک ائده رک تورکلرین قازانماسی ایله!
۱- کورد دسته لری نین یالانچی ایدعالاری نین اوستو آچیلاجاق. بو یالانچی تبلیغاتا اینانانلار ایستر اؤز میلتیمیزدن ایسترسه ده باشقالاری گرچکلری گؤروب اونا گؤره فیکیر یوروده جکلر.
۲- بئینالخالق هوقوق عالمینده اؤزللیکله گله جکده ماسا باشینداکی موزاکیره لرده میلتیمیزین ایستیفاده سی اوچون سندلره بیریده ائکلنه جک.
۳- او بؤلگه ده یاشییان میلتیمیزین روح یوکسکلیگینه سبب اولاراق کورد شووینیستلری نین پلانلی شکیلده اورمو و اطرافینا تبلیقاتچی گؤندره رک میلتیمیزی قورخودوب قاچیرتماغا چالشدیغی سییاستی چورویه جک.
۴- میللی حرکتچیلریمیزین بو آغیر و پولیسی اورتامدا بیر آرایا گلمه لری اوچون موناسیب اورتام یاراداجاق.
۵- میللی هرکاتیمیزی مودافیعه ائدن ویا اونا نیسبی یاخین اولان اورگانلاری و یوکسک سوییه لی شخصییتلری داهادا اورکلندیره جک.
۶- بیرلیکده موقاویمت فیکری نین گوجونو آرتیراجاق.
۷- ترافدا یاشییان و کورد دسته لری نین تبلیقاتینا ایناناراق بؤیوک بیر فاجیعه یه دوغرو سوروکلنن بعضی صمیمی کوردلره اویانیش قامچیسی ووراجاق.
۸- یالانچی تبلیقاتلا بؤلگه ده میلتلر آراسیندا کین و نیفرت یارادان دوشونجه نین تاثیرینی آزالداجاق.
۹- یاخینلاشان فاجیعه نین قارشیسیندا بیر مانیه تؤرده رک اینسانلارین قانی نین تؤکولمه سی نین اؤنلنمه سینده رول اوینویاجاق.
۱۰- و …
بو بؤلگه ده سئچگیلرده ایشتیراکا چاغیرماغین، آذربایجانی پارچالامق معناسینا گلمه دیگینی، تام ترسینه تاریخی تورپاقلاریمیزا گؤز تیکنلرین پارچالاما چابالاری نین قارشیسینی آلماق اوچون درین معنالی و اؤلچولو بیر سییاست اولدوغونو وورقولاماقدا فایدا گؤرورم. عومومییتله گونئی آذربایجانین بوتون بؤلگه لرینده بو سئچگیلرده ایشتیراک ائدیب- ائتمه مه باره ده عزیز دوستوم در. سمد بی نیکنام و سایین ماشاللاه بی رزمی نین فیکیرلرینیه بؤیوک اؤلچوده قاتیلماقلا بیرلیکده آزبیلتوپ -اون سون بیانییه سینه دیقت چکیرم. چونکی، گونئیده کی فاللاریمیزین ذهنییتدن اوزاق، گرچکلره دایاناراق و عئینی حالدا بیر تک یول سئچه رک قرار وئریب تبلیقات آپارمالارینی داها اویگون گؤردویومو بیلدیرمیشدیم.
داخیلده اؤن سنگرده ساواشان میللی موباریزلریمیز، بوتون بونلاری نظرده آلاراق باتی آذربایجاندا اؤزللیکله اورمودا بوتون گوجلرینی سفربر ائده رک مومکون قدر موتشککیل اولاراق سئچگیلرده ایشتیراک ائتمه لیدیرلر. آتالار دئمیشکن ” دوه دن بیر قیل دا چکسن قنیمتدیر ” بو دورومدان ایستیفاده ائدیب، اینزیوادان چیخاراق تهرروک ائتمک، میللی تفککورلولریمیزین آدایلیغینا ایجازه وئرمزلرسه کی وئرمییه جکلر، بیزه یاخین اولنلارا یاردیم ائتمک، تورک میلت وکیللرینی مجلیسه گؤندرمک میللی هرکاتیمیزین و گله جگیمیز اوچون ان دوشونجه لی سییاستدیر.بای بک
خاریجده اوتوروب، تورک سؤزوندن دیسکیننلر، اؤزو قاییرما رهبرلیک یوخوسو گؤره رک بونا – اونا داش آتماق اوچون نظرییه وئرنلرین بولاشیق سؤزلری، سیزلری چکیندیرممه لیدیر، قوللاریزی داها دا یوخاری چیرمالاماغا شیرنیکدیرمه لیدیر.
اورمودا کورد مسئله سینه گلدیکده ایسه، اورمودان، ایسمایل آغا سیمیتقونون جینایتلریندن، بیرینجی - ایکینجی دونیا موحاریبه لرینده کی کورد تالانلاری و سویقیریملارینیندان معلوماتی اولمویانلارین، ایسلام اینقیلابیندا اورمو دا باشوئرنلردن خبرسیز اولانلار ویا او زامانکی ایرتیجای تفککورله کورد دسته لری ایله بیرلیکده سولدوزا هوجوم ائدنلرین غئیری علمی و بزنده غرضلی تهلیللری بیر داها بو مثله یه قاییتماغی بوینوما یوکله دی. بو تهلیللرین بعضیلری اینسان سئورلیک دونو ایله بزنمیشسه ده، میلتیمیزه روا گؤروله جک ان بؤیوک غئیری اینسانی هوجوملاری یا گؤرمور یادا گؤرمه مزلیکدن گلیر.
بوگونکو دورومدا باتی آذربایجانداکی وضعییتی تهلیل اوچون درین معلومات، تاریخ بیلگیسی، میللی تفککور، بؤلگه و دونیا سییاستینی اولدوغو کیمی آنلاماغین واجیبلیگی اینکار ائدیلمزدیر. بیزیم، کورد ویا باشقا میللئتلرله دوشمنچیلیگیمیزین اولمادیغنی، آنجاق تورپاق و میلتیمیزه هوجوملار قارشیسیندا اؤزوموزو مودافیعه ائتمک مجبورییتینده قالدیغیمیزی بیلنلر یاخشی بیلیرلرکی، اونلارین بیزیمله پروبله می وار، تورپاغیمیزدا گؤزو وار.
هر هانسی بیر چوروموش ایدئولوگییه صاحیب اولانلار، شخصی موناسیبتلری میللی منافعیدن اوستون توتانلار، علمی و بیلگی یئتنگی اولمویانلارین، اورموداکی دورومو تهلیلده آپاردیقلاری غئیری سیاسی وئ غئیری میللی فیکیر ویا تهریفلر میلتیمیز طرفیندن باغیشلانمازدیر. شوبهه یوخدور کی، تاریخیمیزی دوزگون ترزیده اؤلچمه قابیلییتینده اولمویانلار، ماننا دؤولتی نین ماهییتینی بیلمیینلر و اونا صاحیب چیخماق ایسته ینلری تانیمییانلار، تاریخی سلاجیقه نی اوخومویانلار، عوثمانلی تاریخینی ورقلمیینلر، اوستاد مهممد تمددون- ائلی دئهقان – کاوه بایات- اورمو خانی مهممد قولی خان افشار – موتمدولووزرانین خاطیره لری و اونلارجا بئله اثرلری اوخومویانلاردان دوزگون آنالیز گؤزله مک اولماز. آنجاق ملون کسروی نین ” آذربایجانین ۲۰ ایللیک تاریخینی ” چوخلاری نین اوخودوغونا دا شوبهه ائدیلمز. او حادیثه لری دیرلندیریرکن باخیش آچیسینی کسروی زاوییه سینه توشلویانلار ویا میللی مفکوره یئرینه هله ده طبقاتی تهلیللرله یاناشانلار، دایاز سودا بوغولان اوشاق کیمی ایمکلییه رک میلتی قالانمیش تونقالا ساری الی یالین سوروکله مکده دیرلر. بیر زامانلار روسقولو، شاهقولو ویا ایمامقولولوقلا مشقول اولانلارین اورکدن میلتین قوینونا سیغینمییانلاری اؤزلرینی بؤیوک سییاستچی سایسالار دا هله ده او آنتی تورکلرین آلیشدیردیغی تهلیل مئتود اؤلچولرینده اؤزلرینی آلداتماقدادیرلار.بای بک
بیزلرین خطاسی میلتیمیزین بوگونو و گله جگینه بؤیوک تهلوکه لر تؤرده جگینه شوبهه ائدیله مز. عوثمانلی ایمپیراتورلوغونون، گونئی آندولو و دییار بکیری، آذربایجانلی آققویونلو تورکلریندن بوشالداراق یئرینه باشقا میلتلری یئرلشدیرمه سی نین سببی نه اولورسا – اولسون بوگون اؤز تؤرمه لری خوسران و عذابینی چکمکده دیر. رحمتلیک سئیید جفر پیشوری نین سویوق بولاق خطاسی نین یانیندا زنجانی ایتیرمه سی و یا آذربایجانین تاریخی تورپاقلاری ( قزوین – همدان- سونگور- ساوه - اراک…) ایددئاسیزلیغی نتیجه سینده بؤیوک گوجه دؤنوشمه مه سی بیزی بوگونه گتیریب چیخارمیشدیر. آنا دیلی اوستونده دیرلی جاوانلاریمیز زیندانلاردا، ائشیکده کی لر ایسه اولمازین تهقیرلره معروض قالماقدادیر. باشقاسینا یوخ، آنجاق میلتیمیزه گوونمه لی، میلتیمیزی آیاغا قالدیرمالی، گوجلو و اَییلمیین بیر قول اولاراق باشقا میلتلرله دیپلوماتیک علاقه لر یاراتمالی و موزاکیره ماساسی آرخاسیندا اوتورمالیییق.
اورمو ایله باغلی سون گونلر رادیو- تئلئویزیونلاردا موصاحیبه لری، قروپ و سیته لرده یازیلاری، پالتالک اوتاقلاریندا موزاکیره لری و سایره هر کس گؤروب و موختلیف گؤروشلری ائشیتمکده دیر. بو تهلیللرین بیر بؤلومونون میللی هرکاتیمیزا اویگون بیر بؤلومونون ایسه تهلوکه لی اولدوغو آشیکاردیر. تسسوفله بو تهلوکه لی دیرلندیرمه لرین بعضیسی صمیمییتینه و دئموکراتیک دوشونجه سینه ایناندیغیمیز چوره لردن گلدیگینه گؤره تهلوکه ایکی قات آرتیر. چونکی بو تهلیللره میلتین بیر بؤلومو ایناناراق موقاویمت و دیره نیش تفککورو یئرینه سؤزده سییاست، عملده تسلیمچیلیک پرئنسیپینی گودور. بو هاقدا ایکی مثله یه توخوناراق سؤزلریمه سون وئریرم.
۱- تأسوفله و اوتاناراق دئمه لییمکی گوجلو بیر تشکیلاتیمیزین اولمادیغینا گؤره بوگون سیستئماتیک موقاویمت ایمکانیمیز یوخدور. باتی آذربایجاندا هر آن گؤزله نیلمز بیر حادیثه نین باش وئربیله جگی ایسه بیزی گؤزله مز. خالقیمیزین تاریخ بویو اولدوغو کیمی بو گونده اؤزونو قوروماق اوچون سیلاهینی یاستیغی نین آلتینا قویماسی اونون گوون قایناغیدیر.
بونو باشقا یئره یورانلار خطا ایچینده دیرلر.
۲- بوتون ساواش و موباریزه لرین سونو موزاکیره ایله بیتدیگینه شوبهه یوخدور. آنجاق کورد دسته لری نین باتی آذربایجان حاقینداکی ایددئالاری، خریته لری، تبلیقات و تهریکاتی کسیلمه دیکجه آذربایجانین هر هانسی بیر شخص – قوروم و قورولوشونون اونلارلا موزاکیره یه گیرمه سی اویدورما سییاستدیر. قیلینجینی قینیندا گیزلده رک اوزانان دوستلوق الی گؤرونموین دوشمن قدر تهلوکه لی، آلداتیجی و یالانچیدیر. اؤزوموزو سییاستچی سایاراق بو اویونلارا گلمگیمیز ده باغیشلانمازدیر. بیز آنجاق بوتون کورد دسته لری نین تبلیقات ماشی نین بو موتجاویز چاغیریشلارینا سون قویمالاری ایله اونلارلا بیر ماسا باشیندا اوتورماغی دوشونمه لیگیک.
۲۰۰۸/۰۲/۱۲